TAARIFA KWA WANACHAMA NA VYOMBO VYA HABARI

MAONI YA WANACHAMA YA KUUNDA KAMPUNI

Katika Mkutano wa Kawaida wa Wanachama wa YANGA uliofanyika tarehe 16 Januari 2013 Mwenyekiti kwa niaba ya Kamati ya Utendaji aliwapa Wanachama wafikirie mapendekezo ya YANGA kuwa Kampuni ama kutokuwa Kampuni kisha kuyawasilisha kwa Katibu Mkuu wa YANGA.

Nachukua nafasi hii kuwaambia Wanachama wa YANGA kuwa kuanzia leo tarehe 16 Oktoba 2013 mpaka tarehe 10 Novemba 2013, kutakuwa na sanduku moja (1) hapa Klabuni kwa ajili ya kukusanya kura za maoni ya Wanachama ya kuanzisha Kampuni (NDIYO) au kutokuwa Kampuni (HAPANA)

Kila Mwanachama hai atakuwa na uhuru wa kupiga kura na atalazimika kuja na Kadi yake ambapo itamzuia kupiga kura mara mbili au zaidi.

Zoezi hili ni muhimu kwa ajili ya maendeleo ya YANGA.

“YANGA DAIMA MBELE NYUMA MWIKO”

Imetolewa na

LAWRENCE MWALUSAKO

KAIMU KATIBU MKUU

HABARI PICHA 

Kulia ni katibu mkuu Lawrence Mwalusako akiteta na afisa habari wa yanga Baraka Kizuguto